Limapulo ket maysa a tattao ti natay ken duapulo ti nadundunor gapu ti gas explosion iti maysa a coal mine idiay South Khorasan province.
Ti aksidente ket gapuanan ti panagbettak ti methane gas iti dua a bloke, B ken C, ti pagminasan nga imanmanehar ti Madanjoo Company.
Segun kenni South Khorasan governor Ali Akbar Rahimi, 76% ti karbon ti pagilian ket naited iti a rehion ken 8 aginggana ti 10 a dadakkel a kompania ket agtartrabaho iti rehion a pakairaman ti Madanjoo Company.
Innayon pay ni Rahimi a nalpasen ti rescue operation iti block B, a nakatayan ti uppat a pulo ket pito ken sangapulo ket pito ti nadundunor.
Kabayatanna, nangrugin ti rescue operations iti block C, no sadino natakuatan a nangatngato ti methane density ken agarup 3-4 nga oras ti mabusbos iti operasion.
