--Ads--
Nauram ti maysa a garahe idiay Barangay Casiber, Santa, Ilocos Sur.
Kukua daytoy ni Alfredo Barrientos, agtawen iti walopulo ket maysa, retirado nga OFW, agnaed iti nasao a lugar.
Segun iti apo ti akinkukua, ala una y media iti parbangon itay ket nakitana a maur-uram ti garahe.
Pinadas ti karruba ti biktima a depdepen ti uram babaen iti fire extinguisher, ngem saanda a nagballigi.
-- ADVERTISEMENT --
Gapu dayta, nairaman a nauram ti SUV a Toyota Innova.
Awan met ti nadangran iti uram ken maim-imbestigaran no mano ti gatad dagiti nauram a sanikua.
