--Ads--
VIGAN CITY– Maximum tolerance iti inpangruna dagiti security guard ken personnel iti maysa a government hospital iti Ilocos Sur iti panagprobokar iti maysa a gangannaet.
Segun kenni Dr. Trina Taboga-Talaga, chief of hospital ti Ilocos Sur Provincial Hospital -Gabriela Silang, inpapilit ti Briton a saanen a nainaganan nga agiserrek ti arak iti ospital ken bumisita iti laksid a nalpasen iti visiting hours kadagiti pasyente.
Gapu ta saan a napalubusan, nagprobokar ti gangannet a mapapati a nakainom ti arak ket idi saanen a naanawa dagiti empleyado ti ospital, nagayab dan iti pulis.
Naammuan a sakbay iti daytoy ket inpapilit ti gangannet nga iruar ti ospital iti aginana iti laksid a kaipaspasngay pay laeng ti asawa na iti anak da.
