Nagpanawagan dagiti grupo dagiti ekonomista nga adalen ti gakat a nationwide wage increase tapno masigurado a maragpat ti gagem a makatulong kadagiti mangmangged a saan a mangitunda iti saan a manamnama nga epekto iti trabaho, negosio, ken negatibo nga ekonomiya ti pagilian.
Segun kadagiti ekonomista, ti bigla a panagpangato ti sueldo ket mabalin a mangitunda iti panagpangato ti gastos iti operasion dagiti negosio isu a posible a mapilitan dagiti kompania nga ag-adjust tapno mapagtalinaed ti operasionda.
Sumagmamano kadagiti posible nga addang ket ti panagpangina ti presio dagiti produkto wenno serbisioda, panangkissay iti bilang ti empleado tapno mapabassit ti gastos wenno panagsardeng ti operasion.
No mapasamak dagitoy nga addang, dagiti mangmangged ti umuna a maapektaran gapu iti panangpangina ti presio ti taraon, serbisio, ken dadduma pay a kangrunaan a magatang a direkta a mangapektar iti inaldaw a gastos.
