--Ads--
Saan pay a naipasa iti Malakanyang ti gakat a ti gagemna ket ipaayan iti emergency powers ti presidente tapno temporaryo nga ikkaten wenno kissayan ti excise tax iti petrolyo.
Segun ken ni Senate President Tito Sotto III, saan pay daytoy nga inyuli ti Kamara iti Senado.
Ti Kamara ti nangidaulo iti enrolled bill ket no mayuli daytoy iti Senado ket sa laeng mapermaan a maipatulod iti presidente ken agbalin a linteg.
Marso 18 idi inadaptar wenno inaprubaran ti Kamara ti bersion ti Senado iti gakat tapno ikkan turay ti presidente a kissayan ti fuel excise tax iti baet ti panagpangina ti presio ti produkto-petrolyo gapu iti riribuk iti Middle East.
-- ADVERTISEMENT --
