Awan pay laeng ti komento ni President Ferdinand Marcos Jr. ti gakat a pagbalinen a legal ti divorce iti pagilian.
Dayta ket iti baet ti panagruar manen ti gakat nga Absolute Divorce iti panagrugi ti 20th Congress nga immunan a naaprubaran iti Kamara idi napalabas a Kongreso ngem saan a pimmasa iti Senado.
Segun ken ni Palace Press Office Claire Castro, kasapulan pay a maamoan ti presidente ti linaon ti probisyon ti Divorce Bill a naipila iti Kongreso sakbay a maibaga nu masuportaran wenno saan.
Inlawlawag ni Castro a masansan kadagiti probisyon a nakapauneg iti gakat ket karaman kadagiti pagibasaran ti legal separation ken uray ti grounds ti annulment ken uray iti simbaan ket palubosanen ti annulment.
Ngem impaganetgetna a kayat ti presidente a mapainget iti napintas a panagdenna ti agasawa para iti pagsayaatan dagiti annak.
