Naipila iti House of Representatives ti House Bill No. 9841 wenno ti Comprehensive Nursing Law of 2026, a ti gagemna ket pagbalinen a P50,000 ti entry-level salary dagiti nurse ken pasayaaten ti kasasaadda iti trabaho.
Ti gakat ket impila da ACT Teachers Partylist Rep. Antonio Tinio, Gabriela Partylist Rep. Sarah Elago, ken Kabataan Partylist Rep. Renee Co.
Segun ken ni Tinio, naibasar iti agdama a sistema iti pananggundaway dagiti nurse idinto a kurang dagiti healthcare worker kadagiti ospital iti pagilian.
Gagem ti gakat a sukatan ti Republic Act No. 9173 wenno Philippine Nursing Act of 2002 ken sulbaren ti nababa a sueldo, awan kasiguradwanna a trabaho, ken napeggad a kondision iti pangtrabaho dagiti nurse.
Babaen pay iti gakat ket maiparit ti contractualization kadagiti ospital ken naibilin ti direkta a panangala iti security of tenure kadagiti amin a nurse iti pampubliko ken pribado a sektor.
