Nakiddaw a maamyendaran ti Republic Act 10627 wenno Anti-Bullying Act gapu iti panagraira iti kaso a panag-bully kadagiti pagadalan.
Idi Mierkules ket pormal nga impila ni Akbayan Rep. Chel Diokno ti House Bill 10038 wenno Expanded Anti-Bullying Act kalpasan a naalarma iti report ti 2019 Programme for International Student Assessment (PISA) a 65% nga estudyante iti pagilian ti nakapasar a namin-ano a daras a na-bully kada bulan.
43% kadagiti ubbing a babbai ken 53% met kadagiti lallaki iti pagilian iti mabul-bully iti mamin-ano a daras kada bulan a doble iti Organization for Economix Co-operation and Development average a 20% school girls ken 21 school boys.
Kinuna ni Diokno a rimmuar iti listaan ti Second Congressional Commission on Education wenno EDCOM a 10,018 public schools iti Pilipinas ket awanan ti anti-bullying policy requirements a naikeddeng iti nasao a linteg.
Gapu dayta ket kasapulan a maamyendaran ti nasao a linteg tapno iraman ti higher education institutions ken technical-vocational schools a saan laeng a kadagiti estudyante ti masalakniban no diketdi kadagiti school employees karamanen dagiti teaching ken non-teaching personnels.
