--Ads--
Impila ni Akbayan Partylist Representative Chel Diokno iti Kamara ti maysa a gakat a ti gagemna ket adda ti “translation” kadagiti paglintegan ti pagilian tapno maikkat ti “language barrier”.
Pinasingkedan ni Diokno a maipatarus koma ti linteg kadagiti kangrunaan a pagsasao ti Filipino kas ti Tagalog, Ilokano, ken Cebuano.
Ti Komisyon sa Wikang Filipino (KWF) ti kangrunaan a translating authority idinto a ti Presidential Communications Office (PCO) ti mangkita iti pannakaipablaak idiay Official Gazette ken mangpasigurado a mai-upload iti online.
Inyarig ni Diokno ti singasingna iti sabali a pagilian kas Indonesia, Thailand, Vietnam, Cambodia, Laos, Myanmar, ken Timor-Leste a dagiti paglinteganda ket naipatarus iti bukodda a pagsasao.
-- ADVERTISEMENT --
