Impila ni Senador Francis Chiz Escudero ti gakat a mangiparit iti promosion ti sugal iti mainstream ken digital media tapno maliklikan ti nakaro a panag-sugal ken maprotektaran dagiti menor de edad manipud iti daytoy.
Ti Senate Bill No. 2347 wenno ti Gambling Advertising Prohibition Act ket mangipataw ti nationwide restriction kadagiti advertisement nga adda pakainaiganna iti sugal iti telebision, radyo, wenno iti print mobile applications ken social media.
Inlawlawag ni Escudero a panawenen tapno ma-regulate ti industriya ti sugal kas ti naaramid iti tabako, dua a dekada ti napalabas, no sadino naipataw ti restriction iti panagi-endorso iti salinong ti Tobacco Regulation act of 2003.
Iti salinong pay ti gakat, maiparitan dagiti celebrity ken influencer campaigns, gambling sponsorships iti sports, concerts, ken cultural events, product placements, promotional giveaways ken branded merchandise a makipaset kadagiti agtawen iti duapulo ket maysa agpababa.
