VIGAN CITY- Plano ni Senate Committee on Basic Education Chairman Sherwin Gatchalian nga agisingasing ti gakat a mangiparit kadagiti uneg iti pagadalan ti panagaramat dagiti estudyante ti cellphone .
Para kenni Gatchalian, napaneknekannna a dakkel ti epekton iti mental health kadagiti agtutubo ti napalalo a panagaramat ti gadget.
Innayon ti senador a kaadoan kadagiti ubbing itan a panawen ket sabalin ti panagpanpanunotda gapo iti epekto ti social media ken dagiti cellphone.
Nangited ni Gatchalian ti pagarigan a bayat ti recess ket dagos a dagiti cellphone ti sangwenda ket mapukawen ti development iti pannakilangen iti pada da nga estudyante ken ti maki-ayayam kadagiti kaklaseda.
Kinunana a tapno dumakkel dagiti agtutubo nga ammoda ti makigayyem, agbasa ken lumaing iti panagadal ket napateg a maipatungpal ti nasao a gakat.
