VIGAN CITY – Impila ni Senador Win Gatchalian ti gakat a gagem nga iparit ti panagaramat ti mobile device ken electronic gadgets iti oras ti klase.
Ti salinong ti proposed Electronic Gadget-Free Schools Act wenno Senate Bill No. 2706, mandato ti Department of Education a mangtratar kadagiti polisiya a mangiparit ti mobile devices ken electronic gadget iti uneg ti pagadalan iti oras ti klase.
Karaman dagiti maparitan dagiti agad-adal ti Kindergarten agingga Senior High School kadagiti pampubliko ken pribado a pagadalan.
Maiparit pat kadagiti mangisursuro nga agaramat kadagiti mobile devices ken electronic gadgets iti oras ti klase.
Nupay napateg ti akem ti mobile devices ken electronic gadgets iti edukasyon ket inyunay-unayna a posible a makaapektar ti panagadal dagiti ubing ta makariribok dayta iti klaseda.
