Gakat a mangiparit iti social media kadagiti menor de edad, naipila iti kamara

Maysa a gakat a ti gagemna ket yadayo dagiti menor de edad kadagiti amin a social media platform ti impila ni CIBAC Partylist Rep. Bro. Eddie Villanueva iti Kamara tapno mailisi ida iti negatibo nga epekto ti kabaroan a teknolohiya.

Maibasar iti gakat, amin nga agtawen iti sangapulo ket innem agpababa ket saan a mapalubosan a maaddaan iti account iti amin a social media platform kas ti Facebook, Tiktok, ken dadduma pay.

Segun ken ni Villanueva, adun a pagilian ti adda kastoy a gakat kas ti Australia, Spain ken France idinto nga iti Indonesia ket marugrugianen a maipatungpal.

Mabilin dagiti social media platform a mangideploy iti teknolohia a mangammo no menor de edad wenno saan ti akinkukua ti account.