Agtultuloy ti panangbantay ti Pilipinas iti baro a gakat iti Senado ti Amerika a ti gagemna ket leppasen ti dual citizenship – addang a mabalin a mangapektar iti dakkel a bilang dagiti Filipino-American.
Segun iti Embahada ti Pilipinas idiay Washington, dumalan daytoy iti atiddug a proseso ti deliberasion ken mabalin a saan a dumur-as, depende iti decision ti Kongreso ti Amerika.
Agtultuloy met ti panangmonitor ti Foreign Service ti Pilipinas iti Amerika iti proseso ti gakat ken nabalakadan ti Filipino American community nga agannad iti ania man nga addang, nangruna iti panang-renounce iti citizenship, ta saan a mabalin daytoy a baliktaden.
Naallukoy ti publiko a makibinnuling iti Philippine Embassy wenno iti kaasitgan a konsulado para iti nayon nga impormasion.
