--Ads--
Anamongan ti kaaduan a kongresista ti gakat a mangikkat iti travel tax a maipataw kadagiti Pilipino nga agbibiahe a rummuar iti pagilian, segun ken ni House Tourism Committee vice chair ken Palawan 3rd District Rep. Gil Acosta Jr.
Segun ken ni Acosta, pagpapatangan ti kongreso inton umay a lawas no malimitaran laeng iti tax exemptions no maikkat ti travel tax.
Inlawlawagna a saan a gagem ti gakat a kissayan ti pondo ti Tourism Infrastructure and Enterprise Zone Authority (TIEZA), National Commission for Culture and the Arts (NCCA) ken Commission on Higher Education (CHED).
No agbalin a linteg ti gakat, direkta a mailatang iti General Appropriations Act ti pondo para kadagiti apektado a programa.
-- ADVERTISEMENT --
