Gakat a mangideklarar ti Pampanga a culinary capital iti pagilian, nakapasan iti maikatlo ken maudi a pannakaibasa idiay Senado

Inaprubaran ti Senado iti maikatlo ken maudi a pannakaibasa ti gakat a mangideklarar ti Pampanga a culinary capital iti pagilian.

Naaprubaran iti Senate Bill 2797 babaen iti duapulo ket maysa nga affirmative votes, zero negative votes ken zero abstention.

Kalpasan ti pannakaaprubar ti gakat ket impaganetget ni Senador Mark Villar nga sponsor iti gakat a ti pannakadeklarar ti Pampanga kas culinary capital of the Philippines ket saan a mangikkat iti dadduma a probinsia iti bukodda a distinct ken edgy dishes.

Kinunana a ti pammadayaw iti nasao a lugar ket wagas a panangrambak ti extraordinary influence iti taraon dagiti Pilipino a mangbigbig ti cultural diversity a mangpabaknang ti cuisine iti pagilian.