Posible a maipasa ti Senado inton Pebrero ti gakat a mangbukel ti Independent People’s Commission (IPC), segun ken ni Senate President Vicente “Tito” Sotto III.
Pinasingkedan ni Sotto nga adda iti maikadua a panagbasa ti IPC bill ken dua wenno maysa laeng nga agpampanday linteg ti nakapila para ti interpellation isu a manamnama a nadaras a maipasa ti Senado.
Segun ti opisial, target ti Senado a malpas ti gakat sakbay malpas ti bulan ti Pebrero ken namnamaen a suportaran ti House of Representatives.
Gagem ti IPC nga agserbi kas independent body nga ag-i8mbestigar ti anomalya, ken korapsion kadagiti infrastructure projects ti gobierno.
Karaman ti bileg ti IPC ti panag-isyu ti contempt sanctions ken panagipila ti reklamo kontra ti asinuman nga opisial a karaman a mapaneknekan no adda pakainaiganna iti kontrobersiya.
