Pasado iti Kamara iti maikatlo ken maudi a pannaka-basa ti gakat a mangikeddeng ti compulsory insurance coverage kadagiti electrical ken telecommunication line workers babaen iti 197 a botos a pabor.
Segun ken ni House Majority Leader ken Ilocos Norte Rep. Ferdinand Alexander “Sandro” Marcos, ti House Bill 7239 wenno Line Workers Insurance and Benefits Act, napateg ti responsibilidad dagiti electrical ken telecom workers isu a nasken a maikkan ti seguridad iti trabaho-da.
Sakop ti gakat dagiti line workers nga adda iti permanent wenno contractual nga adda iti linya ti construction, installation, maintenance, reconstruction, repair ti overhead transmission pakairamanan ti underground cables, electrical substations ken dadduma pay nga electrical equipment ken facilities.
Karaman pay dagiti mangmangged nga adda iti telecommunications companies, telecommunications line contractors, power line contractors, private distribution utilities (PDUs), electric cooperatives (ECs) ken transmission o grid operator.
