Nakapasan iti maikadua a pannakaibasa iti Kamara ti House Bill 11395 wenno gakat nga agbalin a linteg ti Assistance to Individuals in Crisis Situation wenno AICS program iti Department of Social Welfare and Development (DSWD).
Iti gakat ni House Committee on Appropriations Acting Chairperson ken Marikina Representative Stella Quimbo, gagemda a masigurado iti agtultuloy a programa uray agbaliw iti administrasyon.
Impaganetget ni Quimbo a ti AICS ket lifeline ken saan a para iti politika isu a nakailanad iti gakat a rumbeng a saan a bibiangan dagiti politiko wenno kabagyanda.
Tapno saan a maaramat iti panagabuso ket ibilin ti gakat iti DSWD a maaddaan ti full transparency iti AICS babaen iti panangiruar iti tinawen a report a nakailanad dagii benepisyo, lugar a nakaiwarasan iti tulong ken nu mano iti maited.
