Ipin-pinal ti Department of Budget and Management (DBM) dagiti dokumento iti gakat a national budget para inton sumaruno a tawen.
Daytoy ket kalpasan nga inaprubaran ni Presidente Ferdinand Marcos Jr. iti napasamak a cabinet meeting ti fiscal year 2027 national expenditure program manipud iti kari ti Marcos administration a pagtalinaeden ti panagdur-as ti ekonomiya ken mapalawa dagiti oportunidad para kadagiti Pilipino.
Segun ken ni acting Budget Secretary Robert Kim de Leon, karaman kadagiti maisagsagana ti budget documents, pakairamanan dagiti annexes, ken dadduma pay a supporting details tapno masigurado ti nasayaat a transmittal na daytoy iti Kongreso.
Iti salinong ti 2027 national budget, masigurado nga amin a pondo ket mausar kadagiti programa ken proyekto a napateg para iti Pilipino.
Ti panag-anunsio ti eksakto a gatad ti naaprobaran a 2027 proposed national budget ket maipaima ken ni presidente Marcos a manamnama nga ipakaammo na inton State of the Nation Address.
