VIGAN CITY – “Saan kuma a nagiproklamar iti suportaran na ti kina-house speakership ni Presidente Rodrigo Duterte,” dayta man iti reaksyon ni Gabriela Partylist Rep. Arlyn Brosas iti inwaragawag idi kalman ni Presidente Duterte a ti suportaran na kas House Speaker ket ni Taguig- Pateros Rep. Allan Peter Cayetano.
Segun ken ni Brosas iti pannaki-uman ti Bombo Radyo Vigan, ti inaramid iti presidente ket panangipakita laeng iti pannakibiyang na iti maysa nga independent body kas ti Kongreso wennu ti legislative department.
Patien ti agpanpanday linteg a ti term- sharing nga insingasing it presidente ket ad-adda a nangrakrak iti supermajority coalition na idiay Kamara ta adda iti bukod a suportaran dagiti kaalyado na a kongresista.
Gapu ti dayta, inawagan iti kongresista ti term-sharing a dakkel a rengngat wennu tubeng ti Kamara ken amken na nga inton July 22 ket saan a ti State of the Nation Address iti presidente ti ad-adda a padaanan dagiti tattao nu di ket iti pannakasolbar iti isyu ti kina-house speakership.
Maipalagip a babaen metla ti Bombo Radyo Vigan, inbaga ni PDP- Laban President Sen. Koko Pimentel nga aramiden da amin a kabaelan da tapnu matungpal ti term-sharing a kayat iti presidente nga isu ti party chairman da
