VIGAN CITY – Nauram ti furniture shop a kukua ani Benito Soliven Riotoc, agtawen iti pitopulo ket dua, agnaed iti Barangay Poblacion, San Vicente.
Dagus a nagresponde dagiti kameng ti Bureau of Fire Protection idi maawatda ti tawag manipud iti San Vicente Police Station.
Iti pannaki-uman ti Bombo Radyo Vigan ken ni SFO1 Jan Richard Abubo, Fire and Arson Investigator, nagtaud ti uram iti pagpupuuranda a paset nga asideg iti bodegada.
Nupay kasta, awan ti natay iti napasamak nga uram ken umabot iti nasurok kumurang walopulo a ribo a pisos ti mapatta-patta a gatad ti nauram a sanikua.
Balakad met ni Abubo a no agpuur ket bantayanda ken saanda itulok a panawan nga adda pay laeng biggang ti pupuoranda kasta metten a nagpalagip nga ikita a nalaing dagiti gadget a nakasaksak.
Innayonna a nasken a kanayon a panunoten a ti inaldaw ket Fire Prevention Day tapno maliklikan ti uram.
