Impanamnama ni Speaker Martin Romualdez nga ipaay ti House of Representatives ti “funding supports” ti adbokasia ni President Ferdinand Marcos Jr. a pasayaaten ti access ti health care services kadagiti veteran kangrunaan kadagiti lugar ti ruar idiay Metro Manila.
Segun ken ni Romualdez, masapul a maidanon latta kadagiti beterano ken suldado ti health care ta saan pulos a masukatan iti inaramidda para iti pagilian.
Gapu dayta ket impanamnama ni Romauldez a suportaranda ti programa ni Pres. Marcos a siguradoen ti health care services, treatments ken agas para kadagiti beterano.
Impaganetgetna a siasinoman a beterano iti World War II ket masapul a maipaayan ti highest quality of service manipod iti gobierno.
Inruar ti statement ni Romualdez kasaruno iti inrusat a pilot site iti Veterans Access to Lifetime Optimized Healthcare or Valor Clinic iti Fernando Air Base idiay Lipa City, Batangas.
