VIGAN CITY – Saan laeng a dagiti frontliner iti natulungan da Dr. Jeff Reburon a maysa a Doctor of philosophy iti Nursing ken maysa a midwifery instructor iti Ilocos Sur Community College ken ti kabsatna iti panagpintada iti orchids a nagur-oranda iti pondo no di ketdi pati ti natulongada a mapasayaat pay iti bagida.
Segun kenni Reburon, ti kangrunaan a gagemda iti panagur-or iti pondo ket iti panangtulong kadagiti frontliner a mangisaksakripisyo iti biagda itatta a covid-19 pandemic.
Ti orchids nga ipinpintada ket maibasar iti Greek Mythology a mangsimbolo iti kinatibker, ayat ken kinapintas a banag a nga ipakpakitada kadagiti frontliner.
Saanna a nimanmana nga adu iti agtalek kadakuada inaig iti panangrugina iti nasao a fund drive ngem inkagumaanna nga ipakita iti kaaduan nga agingga sentimo iti naur-orda ket mailista ket awan iti masayang a rigat dagiti tumultulong kadakuada.
Kabayatanna, addan iti pakabuklan a sangapulo ket innem a gallon iti alcohol, sangaribo a mask, sangagasut a kinarton a groceries a para kadagiti frontliners a mapatta-patta nga umaboten iti sangagasut a ribo a pisos iti pakabuklan a nagastos manipod iti wave 1 agingga wave 5.
