--Ads--
VIGAN CITY – Isayangkat iti Bureau of Fire Protection-Cabugao iti Fun Bike inton March 26, 2022 iti oras iti alas singko iti agsapa kas panangselebrar iti Fire Prevention Month.
Iti pannaki-uman iti Bombo Radyo Vigan ken ni FSInsp. Eddie Tabuno a Municipal Fire Marshal iti Cabugao, siasinoman ket mabalin a makipaset ti fun bike ta uray ania a tawen ket mabalin latta a mapan.
Segun ken ni Tabuno, umabot iti 16.8 kilometers iti bisikletaen dagiti makipaset manipod iti pito a barangay iti laud a paset iti nasao nga ili.
Nupay kasta, namnamaenna met nga adu iti makisali iti fun bike tapno naragragsak ken makita iti kinapateg iti iselselebrarda.
-- ADVERTISEMENT --
