Full operation-en ti Vigan City Public Market kalpasan iti limitado a panagoperate-na idi napasamak iti magnitude 7 a ginggined idi July 27, 2022.
Iti pannaki-uman ti Bombo Radyo Vigan ken ni Market Master Bonifacio Corpuz, idi napasamak iti ginggined ket awan iti naglakon ket kinaykayatdan iti nagsarra.
Segun ken ni Corpuz, dagiti essential laeng iti napalubos a napan aglako iti tiendaan idi July 28 ken 29 idinto nga ita nga aldaw July 30 ket isun iti pannakapalubos iti amin nga ag-operate.
Awan iti nakaru a damage iti tiendaan kas maibasar iti insayangkat nga inspection ti City Engineers Office isu a naglukaten para kadagiti aglako ken aggatang.
Pinasingkedan pay ni Corpuz a bayat iti ginggined a napasamak idi Mierkules ket awan iti nagdidinnuron iti panagbabada iti tiendaan ngem adda laeng dagiti nagnerbyos a kas kadagiti senior citizen.
