VIGAN CITY-Mangrugi ita nga aldaw ti full implementation ti “Task Force Bantay Kalsada” ta naiwarasen ti Identification Card ken Temporary Operator’s Permit kadagiti nadeputized a regulation officer ti Land Transportation Office (LTO) a mangted bileg kadakuada tapno ipatungpal dagiti linteg trapiko ken tiliwen dagiti aglabsing
Inlawlawag ni SP03 Reynald Reynon, deputy chief of police ti Sta. catalina PNP a ti kada checkpoint ket adda ti deputized officer nga isu ti otorisado a mang-isyu ti TOP kadagiti aglabsing .
Namnamaen met ni PS/Insp. Jose Dingayan, officer-in-charge ti San Vicente municipal police station , a maapprubaranen ti helmet ordinance iti ili da nga isu ti alternatibo nga i-ticket da kadagiti motorista a saan nga agsout ti helmet a nalaklaka ti muelta na.
Nupay kasta, inlawlawag ni Dingayan nga agingga nga awan ti ordinansa ket ti National Helmet law ti ipatungpal da a dagiti aglabsing ket agmwelta ti P1,500.
Agtultuloy ti information dissemination ti kapulisan ken ginuyogoy ni Dingayan dagiti umili a sumurot kadagiti paglintegan.
