--Ads--
Mabalinen a mausar ti pondo ti Department of Agriculture a nakalatang kas fuel subsidy para kadagiti mannalon kasaruno ti agtultuloy a panagpangato ti presio ti produkto petrolyo.
Segun ken ni DA Spokesperson assistant secretary Arnel De Mesa, addan patakaran ti ahensia nga agserbi kas pagannurotan iti panangited ti nadakamat a tulong.
Pakairamanan daytoy ti panagbalin a miembro ti Registry System for Basic Sectors in Agriculture (RSBSA), kina-adda ti farm machineries a maus-usar iti panagtalon ken dagiti bangka para kadagiti mangngalap a saan a lumbes iti tallo a tonelada ti gross tonnage ken dadduma pay.
Segun ken ni De Mesa, adda P150 milyon a nakalatang para iti fuel subsidy a naggapu pay iti 2025 budget ti ahensia.
-- ADVERTISEMENT --
