VIGAN CITY – Kaso a frustrated murder iti sangwen ti maysa a lalaki ta tinagbatna ti ulitegna iti tiendaan idiay Sta. Lucia.
Ti pannaki-uman ti Bombo Radyo Vigan ken ni PCapt. Albert Lucero iti Sta. Lucia Municipal Police Station, akin-kannigid a paset ti ulo, luppo ken tumeng iti nadunor ken ni Mariano Habon Toquero, agtawen ti walopulo ket dua, naasawaan, mannalon nga agnaed idiay Brgy. Alincaoeg, Sta. Lucia ta namin-anu a daras a tinagbat ti kanakan ken kalugaran na a ni Antonio Gadingan Ramos, agtawen ti limapulo ket walo, naasawaan ken mannalon.
Magmagna nga agawid a naggapu iti tiendaan ti biktima idi tinagbat ti suspek iti namin-anu a daras a nakadunuran iti naduma-duma a paset iti bagi na.
Naipan idiay Ilocos Sur District Hospital-Sta. Lucia ti biktima tapnu mataming dagiti dunor a sinagaba na idinto a ti suspek met ket naipa-medico legal iti nasao metlang nga ospital ket nagpositibo iti dimmalanan na nga alcoholic breath test.
Mapapati a ti motibo iti nasao a pasamak ket iti daan a susik gapu iti daga.
Iti agdama, ikuten dagiti pannakabagi ti linteg ti suspek karaman iti inaramat na a buneng nga agatiddog ti dua pulo a pulgada agraman ti apputan na.
VC – PCAPT. ALBERT LUCERO 1
Kabayatanna, pinalagipan ni Lucero dagiti umili a nu adda parikot iti pada a tao ket ibaga iti nasayaat a wagas ken nasaysayaat nu liklikan ti aginom iti arak tapno saan a maisagmak.
VC – PCAPT. ALBERT LUCERO 2
