Inyatiddog pay ti Court of Appeals ti inruarda a freeze order iti bank accounts, sanikua ken dadduma pay nga assets ni Kingdom of Jesus Christ leader Pastor Apollo Quiboloy.
Segun ti Anti-Money Laundering Council, maysa a resolusyon manipod Court of Appeals ti mangiyattdog agingga innem a bulan ti freeze nga agpatingga inton February 6, 2025.
Kinumpirmaran pay ti addang ni KOJC legal counsel Atty. Dinah Tolentino ngem saanda pay a naawat ti official copy iti bilin.
Immunan a nairuar ti 20-day freeze order idi August 6 a nakaipatungpalan ti freeze iti sangapulo a bank accout, pito a real properties, lima a motor vehicles ken maysa nga aircraft ni Quiboloy.
Ti bilin pay ket mayaplikar ti bank accounts iti KOJC ken Swara Sug Media Corporation kas imbaga ti korte iti koneksyon iti krimen kas ti human trafficking, child abuse, fraud, smuggling ken money laundering.
