VIGAN CITY – Mangidaya ni Provincial Board Member Third Ranches babaen ti pannakibinnuligna ken ni Governor Jerry Singson ken iti Land Transportation Office iti libre a Theoretical Driving Course.
Mapasamak inton June 29-30 iti oras ti alas otso iti agsapa agingga alas singko iti malem iti Ilocos Sur Community College.
Mailukat kadagiti dua gasut a participant, ket dagiti interesado, mabalinda nga ipasa dagiti requirement iti opisina ni SPM Third Ranches iti 3rd Floor ti Provincial Farmers Livelihood Development Center, Vigan City, Ilocos Sur agingga inton June 28, 2024.
Dagiti kasapulan a requirement ket ti original ken photocopy ti Birth Certificate nga aggapu iti Philippine Statistics Authority, Barangay Certificate of Indigency, Valid ID, Marriage Contract no naikasar, Parental Consent with Valid ID of Parent no menor de edad.
Tapno makarehistro iti LTMS Portal, isearch laeng daytoy iti Google, kalpasanna, i-screenshot ti LTMS Portal Account, i-print ken ipasa pakairamanan dagiti requirements.
First come, first serve basis ti panagparehistro.
