--Ads--
Imbilin ti Commission on Audit ti pannakaisayangkat ti fraud audit kadagiti proyekto kontra iti layus idiay Bulacan kalpasan ti pammilin ni Presidente Ferdinand Marcos Jr nga imbestigaran dagiti iregularidad iti flood control program ti gobierno.
Segun ken ni COA Chairperson Gamaliel Cordoba, kasapulan ti audit ta seryoso nga isyu ti anomalya, nangruna iti baet ti agtultuloy a panaglayus.
Sakup ti audit dagiti proyekto ti DPWH idiay Bulacan nga adda pakabuklan a pondona a P44 bilion, kadakkelan iti Region 3.
Nabilin pay dagiti opisial ti nasao nga ahensia nga agipasa kadagiti dokumento ken makitinnulong iti imbestigasyon.
-- ADVERTISEMENT --
