Impaayan ti Philippine Normal University iti Doctorate degree in Physical Education and Sports, Honoris Causa, ti dati a kampeon iti benneg ti boxing a ni Manny Pacquiao.
Naipaay ti nasao a pammadayaw iti maika-125 a Founding Anniversary ti pagadalan kas pammigbig iti dakkel a naitulongna iti benneg ti ay-ayam ken panagbalinna nga inspirasion kadagiti Pilipino.
Iti panagsarita ni Pacquiao ket kinunana a ti disiplina ken dagiti adal manipud iti sports ti nangtulong kenkuana nga agsalukag ken lumaban kadagiti karit ti biag.
Segun ken ni Pacquiao, ti pudno nga edukasion ket nasken a patanurenna ti karakter, panangidaulo, ken panagbalin a tao.
Inallukoy ti nasao a boksingero dagiti agtutubo a Pilipino nga ituloyda ti agarapaap iti dakkel, agbalin a managpakumbaba, ken aramaten ti balligi tapno tumulong iti pada a tao.
