Indepensa ni dati a Presidente Rodrigo Duterte ti panagikkat ti Pilipinas iti International Criminal Court (ICC), nga inawaganna daytoy a “silly court” ta napaay a mapasungbat kadagiti African leaders nga accountable kadagiti krimen.
Inkalintegan ni Duterte a saan nga epektibo ti ICC, ken kinuna a kaykayatna a sumango ti korte ti Pilipinas ngem iti agtalek kadagiti puraw.
Iti laksid ti immun-una a panagkedkedna iti imbestigasion ti ICC, kinarit itan ni Duterte ti ICC nga imbestigaranda isuna iti kabiitan a panawen.
Indiayana pay nga agbiahe idiay Hague, Netherlands, nga ayan ti ICC tapno sanguen dagiti kaso.
Kabayatanna, saan met a kontraen ti agdama nga administrasion ni President Ferdinand Marcos Jr. no agdesisyon ni Duterte ti sumuko iti ICC.
