Maragsakan ni dati a Magdalo Rep. Gary Alejano iti panangiruar ti International Criminal Court iti nagan dagiti co-perpetrator ni dati a Presidente Rodrigo Duterte iti crimes against humanity a sangsangwenna.
Iti pannaki-uman ti Bombo Radyo Vigan ken ni Alejano, pakaragsakanna ti posibilidad a saan laeng a ni Duterte ti mabalin a makemmeg no di ket uray dagiti nagbalin nga instrumento iti panangipatungpal iti krimen idi panawen ti administrasyonna.
Mamati ni Alejano a saan nga isolated a krimen ti kaso ti dati a presidente ta saan a mapasamak daytoy no maymaysa laeng a tao ti mangaramid.
Kunana nga adda sistematiko nga execution iti extra judicial killing isu nga adu dagiti karaman.
Maipalagip a karaman ti nagan da Senador Ronald “Bato” Dela Rosa ken ni Senador Christopher “Bong” Go iti listaan dagiti co-perpetrator.
