Pinadas ti dati a South Korean former defence minister ti agpakamatay sakbay ti pannakakemmegna gapu iti akemna iti operasion ti martial law ita a bulan.
Indeklara ni President Yoon Suk Yeol ti martial law idi December 3 ken nangbaun kadagiti soldado ken helicopter iti Parliament ngem napilitan nga inbabawina iti martial law kalpasan a nagbubotosan dagiti agpapanday-linteg a saanda nga umanamong ti desisyon ti Presidente.
Nagikkat ti ministro ti depensa a ni Kim Yong-hyun idi December 5 ken pormal a nakemmeg idi December 10 gapu kadagiti kaso a pakairamananna ti insurrection ken “abuse of authority to obstruct the exercise of rights”.
Bayat ti parliamentary hearing, kinuna ti commissioner general ti Korea Correctional Service a pinadas ti dati a ministro a patayen ti bagina sumagmamano a minutos sakbay a naipakaammo ti pannakakemmegna.
