Forensic pathologist, nagpalagip kadagiti otoridad nga annadanda dagiti sako ken ti linaonna kagiddan ti search operation para kadagiti mapukpukaw a sabungero

Pinalagipan ni forensic pathologist Dr. Raquel Fortun dagiti pannakabagi ti linteg nga annadanda dagiti nasarakan a sako nga adda kargana a mapapati a rurog kagiddan ti pannakasapul dagiti mapukpukaw a sabungero iti Taal Lake.

Dayta ket kalpasan a nadlawna a maysa kadagiti sako ket nalukatan ken naiwaras iti kadagaan.

Segun ken ni Fortun, nasken a ti pannaka-eksamin ti linaon dagiti sako ket masapul a sistematiko ken siyentipiko.

Kwinestyonaran pay ti opisial no dagiti sako a naala ket pudno a rurog ti tao ti linaonna.