--Ads--
VIGAN CITY – Sangapulo ket lima a ribo a pisos a gatad dagiti construction material ti mapapati nga intaray ni Joey Flores Monalida, agtawen iti limapulo ket maysa, foreman nga agnaed idiay Brgy. Pallogan, Tagudin a sumango iti kaso a qualified theft.
Nabigbig ti biktima a ni Rene Allan Mina Lucero, agtawen iti uppat a pulo ket siam nga agnaed idiay Magsaysay, Tagudin a nagipatakder ti punerarya id January idiay Brgy. Dardarat nga innalada ti suspek a foreman.
Nagbalaw ti biktima kadagiti construction materials a mapukpukaw ket naduktalanda nga inyawid ti suspek.
Ti agdama addan ti kustodiya ti Tagudin Municipal Police Station ti suspect ken maisagsaganan iti kaso a Theft kontra kenkuana.
-- ADVERTISEMENT --
