Pinasingkedan ni Vice President Sara Duterte a nakagasto ti opisinana iti P7.4 million para iti security ken personnel a naideploy kabayatan ti panagbiahena iti ballasiw taaw.
Dayta ti sungbat ni Duterte idi sinaludsod ni House Assistant Minority Leader ken Kabataan partylist Rep. Renee Co kabayatan ti hearing ti House appropriations committee iti proposed 2026 budget ti OVP.
Segun ken ni Duterte, saan a naggapu iti OVP dagiti nagastona iti panagbiahena iti ballasiw-taaw, saan a kas iti kaso dagiti gwardya ken OVP personnel-na.
Dagiti napanan ti bise presidente idi 2024 ket idiay Germany idi July, Denmark idi December.
Dagiti met biahena ita a tawen ket pakairamanan ti Japan idi Enero ken Pebrero, Hongkong ken Netherlands idi Marso, Qatar ken Netherlands idi Mayo, Vietnam, Cambodia, Malaysia ken Australia idi Hunyo, Netherlands ken South Korea idi Hulyo, Kuwait, Netherlands, France, ken Belgium idi Agosto agingga Setyembre.
