--Ads--
VIGAN CITY- Kinemmeg dagiti pannakabagi ti linteg ti maysa nga Indian national iti naisayangka a buy-bust operation idiay Barangay Tamag, Vigan City.
Nabigbig ti suspek a ni Mikhil Arvindbhai Parmar, 21-anyos , tubo ti Gujarat, India ngem agdama nga agnanaed iti Tamag , Vigan City.
-- ADVERTISEMENT --
Naala manipud kenkuana ti maysa a pack ti papel a naglaon ti napagango a bulong ti marijuana, drug paraphernalias pakairamanan ti tallo nga improvised tooter, maysa a lighter ken buy bust money.
Sumango ti suspek ti kaso a panaglabsing iti Republic Act 9165 wenno Comphrehensive Drugs Act of 2002.
