Foreign debt payments ti Pilipinas, ngimmato iti 4.8 percent wenno $6.21 billion

Ngimmato iti 4.8 percent wenno $6.21 billion ti foreign debt payments ti Pilipinas manipud Enero agingga Mayo, maibasar iti preliminary data ti Bangko Sentral ng Pilipinas.

Kangrunaan a rason ti 13.6 percent a panagpangato ti principal repayments, wenno $3.01 billion, uray no bimmaba iti 2.3 percent ti interest payments, wenno $3.2 billion.

Segun kadagiti ekonomista, daytoy ket gapu kadagiti naituding a debt maturities ken saan a pagilasinan iti parikut iti kabaelan ti pagilian a bayadan dagiti utangna.

Kabayatanna, ngimmato met iti $147.35 billion ti outstanding external debt ti pagilian iti katapusan ti Marso, idinto nga agtaltalinaed nga umdas ti foreign reserves ken dollar inflows tapno masolusyonan dagiti obligasion.