Imbilin ni Governor Jerry Singson ti forced evacuation iti probinsia gapu iti iduduprak ti bagyo Nika.
Iti pannaki-uman ti Bombo Radyo Vigan ken ni Singson, nagtataripnongda kadagiti maseknan nga ahensia ket napagpatangan a maisayangkat ti kapilitan a pannakaibakwit dagiti pamilia nga adda kadagiti lugar a narisgo iti layus, landslide ken storm-surge.
Binalakadan metten ti gobernador dagiti pamilya nga adda kadagiti narisgo a lugar nga agbakwit ita a saan pay a nakaro ti mapaspasaran nga epekto ti bagyo.
Immunan a nagdeklarar ti Ilocos Sur Provincial Government iti suspensyon ti klase ken trabaho tapno makasagana ken mayadayo iti peggad dagiti umili.
Impasigurado pay ti opisial a nakasagana dagiti amin a tulong a maipaay kadagiti biktima ti bagyo.
