VIGAN CITY – Naadaan ti Foodtography Contest “101 Ways to Cook Chicken Ayuda” kadagiti agindeg idiay Brgy. Lungog, Narvacan, Ilocos Sur.
Iti pannaki-uman ti Bombo Radyo Vigan ken ni Sanguniang Kabataan Chairman Kristoffer Monis, napapanunotanda ti nasao nga aktibidad kagiddan ti pannakawat dagiti agindeg ti manok manipod provincial government iti baet ti pannakaidalan ti Enhanced Community Quarantine ti sangapulo ket siam nga ili ken dua a siudad ti probinsia.
Ti criteria iti panaghusgar kadagiti presenstasyon ket 25% iti originality, 20% iti creativity, 20% iti photographic quality, 25% presentation ken 10% iti over-all impact.
Nupay ladawan laeng iti pangkitaanda iti mangabak ket impasiguradona nga awan ti manggundaway ti nasao nga aktibidad ta natalek nga amin a nakisalip ket pudno kadagiti impasada a ladawan.
Nagleppas ti panagipasa iti entries dagiti nakipagpaset idi October 2 ket inton October 10 iti pannakaiwaragawag ti mangabak iti nasao a pasalip.
Kabayatanna, impasiguradona nga adda iti maawat a gungguna ti mapagasatan a managbak ti nasao a pasalip.
