VIGAN CITY – Nakaituding iti gobierno nga ipatungpal ti “Food Stamp Program” iti intero a pagilian inton Hulyo kas pinasingkedan ti Department of Social Welfare and Development.
Segun ken ni DSWD Undersecretary Edu Punay, ti panagsagana para ti full implementation iti programa ket mabalinen kalpasan ti balligi nga innem a bulan a pilot implementation iti agduduma a paset iti pagilian.
Ti “Food Stamp Program” ket maysa kadagiti priority program iti Marcos Administration a gagem a labanan ti involuntary hunger babaen ti panangipaay ti food augmentation iti bottom one million households kas maibasar ti Listahanan 3, a karaman ti food-poor criteria kas binigbig ti Philippine Statistics Authority.
Kinuna ni Punay a ti programa ket maimplementar iti sangapulo a rehiyon ken duapulo ket maysa a probinsia nga adda initial target-na a 300,000 families ken nangrugi ti panag-hire ti staff iti agduduma a lugar.
