--Ads--
Pinasingkedan ti Department of Social Welfare and Development a sakbay pay a dimteng ti bagyo Opong iti pagilian ket nakasaganan ti umabot iti 2.2 milion a food packs a maiwaras kadagiti pamilia a maapektaran iti didigra.
Segun ken ni DSWD Secretary Rex Gatchalian, agtultuloy ti panagsaganada agingga a makaruar iti pagilian ni Opong.
Innayon ni Gatchalian a saan laeng a tunggal adda dumteng a bagyo nga ag-repack-da isu nga adda umdas nga stockpile a mabalin a pagalaan no saan a nasayaat ti paniempo.
Napaspas ti panagrespondeda ken ni bagyo Nando ket ita nga adda ni bagyo Opong ket nakasaganada a mangipaay iti kasapulan dagiti umili.
-- ADVERTISEMENT --
Malaksid iti food packs ket nakasagana met dagiti non-food relief items iti nadumaduma a paset ti pagilian.
