Impasigurado ti Department of Social Welfare and Development (DSWD) a nakaprepositioned ti nasurok 220,000 a karton ti family food packs kadagiti storage facilities iti Ilocos, Cagayan Valley ken Cordillera region a nakasagana a mai-augment kadagiti local government units para iti disaster response kagiddan ti panagduprak ti Bagyo Marce.
Segun ken ni Disaster Response Management Group (DRMG) Assistant Secretary Irene Dumlao, naipaayanen ti DSWD Field Office 2- Cagayan Valley iti 250 family food packs ken 250 non-food items para kadagiti residente a nagbakwit iti coastal town iti Maconacon idiay Isabela.
Kinunana a 1,133 a pamilia wenno 3,275 nga umili iti naapektaran ti Bagyo Marce iti Ilocos Region, Cagayan Valley ken Cordillera Administrative Region.
Kinuna ti DRMG nga iti laksid a manarimaan ti disaster response gapu ti Bagyo Kristine ken Leon ket adda available national stockpile a 1,338,604 a karton a family food packs a nakapreposition kadagiti hub, spokes ken last-mile facilities.
