Naisayangkat ti food crawl iti ili ti Sta. Maria kas paset iti panangrambak iti Tourism Month.
Daytoy ti maikadua a tawen a maisayangkat ti aktibidad babaen iti inisiatiba ni Mayor Michael Florendo a ti gagemna ket maital-o dagiti local food product ken delicacies ti ili.
Iti pannaki-uman ti Bombo Radyo Vigan ken ni Tourism Officer Michael Escobar, ti konsepto ti nasao a food crawl ket pasiarenda dagiti nadumaduma a food establishment nga agilaklako iti lokal ken native a taraon tapno ad-adda a mayam-ammo ken masuportaran dagiti lokal a negosiante.
Innayon ni Escobar a napateg ti suporta ti publiko kadagiti lokal a produkto tapno makatulong kadagiti micro, small, ken local food businesses iti pagbiaganda.
Kiniddaw pay ti opisial iti publiko a suportaran dagitoy a lokal a produkto babaen ti panaggatang kadagitoy.
