--Ads--
VIGAN CITY- Addan to pay iti maisayangkat a follow up operation kalpasan iti pannakekemmeg ni Michael paet , agtawen iti tallo a pulo ket maysa ken taga-Barangay Tay-ac, Bantay iti buy-bust operation iti sangwanan iti hotel idiay Barangay Bayubay Sur, San Vicente a nakaalaan dagiti pannakabagi ti linteg iti tallo pulo ket maysa a sachet iti maatap a shabu.
Segun ken ni PCInsp. Ed Medrano, hepe iti PNP-Bantay, inbuksilan ti suspek no sino dagiti customer na, ken naibaga na nga idiay Manila iti paggapuan iti suplay iti iligal a droga nga ilaklako na.
Nu pay kasta, saan pay nga inpakaammo ni Medrano nu siasino dagiti innaganan ti suspek ta isu iti isaruno da nga imbestigaran.
