Impakaammo ti Philippine National Police (PNP) a bimmaba ti focus crimes idi 2025.
Maibasar ti rekord ti Directorate for Investigation and Detective Management, umabot iti 35,717 dagiti insidente ti krimen idi napan a tawen a nababbaba iti 12.4% manipod iti 40,771 a nairekord idi 2024.
Iti report ket agpapada iti panagbaba iti agduduma a klase ti krimen idi napan a tawen ta 7,662 iti kaso ti rape manipod iti 9,910; iti carnapping a 265 manipod iti 332; murder a 412 manipod iti 4,151; homicide a 1,078 manipod iti 1,268; physical injury a 4,811 manipod iti 5,593; robbery a 3,645 manipod iti 4,236; ken theft a 12,662 manipod iti 13,232.
Manipod 13,307 nga insidente idi April 19 agingga August 25 ket bimmaba iti 11,758 manipod August 26 agingga December 31.
Segun ken ni Acting PNP Chief Lt. Gen. Jose Melencio Nartatez Jr., resulta dayta iti naep-epektibo nga implementasyon ti PNP Focus Agenda napatibker a presensya dagiti otoridad.
Siguradoen ti ahensya a saanda nga agsardeng iti pananglapped ken panangsolbar iti krimen.
