Kinumpirmartan ni Senador Chiz Escudero a mapapati nga inaramat ni dati nga Speaker Martin Romualdez ti pondo a For Later Release wenno FLR para iti panangiduron ti impeachment complaint kontra ken ni Vice President Sara Duterte.
Iti session a napasamak itay ket guest ni Vice President Sara kalpasan a dimmar-ay ti budget hearing iti Office of the Vice President (OVP) ken kalpasan a nakitaripnong idi kalman kadagiti miembro ti minorya.
Iti manifestation ni Escudero, kinunana nga inyakar ni Romualdez ti pondo kadagiti kongresista nga adda iti FLR ket saan a mairuar nu saanda nga agpirma ti impeachment complaint kontra ken ni VP Sara.
Dayta iti mapapati a rason nu apay nga iti laksid a kalikagum ti sumagmamamo nga iduron ti impeachment case ket kanayonna nga ibaga kadagiti padana a senador nga aganannad ta kinamanagimbubukod ken saan nga accountability ti rason iti reklamo iti panagpaikkat iti bise presidente.
Kabayatanna, immapela ni Escudero kadagiti kapadana a senador a saan a sumurot iti script ni Romualdez ken rumbeng a karaman ti dati nga Speaker iti pasungbaten, maimbestigaran ken makasoan.
